يومين رااااااااحه...

إنصــــــدمت بكل شي حولي وجيتــــك لحالي
كنت أبلقــــــــــى للمشاعر في ضياع الحب ساحه
لا تعاتبـــــــني لأني جـــــيت هـــارب مـــــن ضلالي
عـــــــــــــاتب إحساسي لأنه جاك ما يحمل سلاحه
أنــــــــــــا عانيـــت التــــعب أنـــواع و أشكال وليالي
كنـــــــــــــت أستاهل معـــاك أعيش لو يومين راحة
قلت مايســوى أذوق المر عمري كله بلاطعم حالي
ليه أكون بضيق دايم و أعطي لغيــــــــــري مساحه
إيه أنا مليت من طبع النبيه الصادق الذوق المثالي
بي رجـــــاحة عقــــــل يمــــكن بس لأبوها رجاحه
كنت لا تحملت غيري بالشــــــــقى أهملت حالي
من غباي أســـــــــــتمتع اليا قالوا بوجهه سماحه
بس لا جينا لجــــــــــد الجــــد الأول في مـــــجالي
أفدي لســــــــــــــــاني حبيبي ما يقصر بالفصاحه
يشكي اللي في حشاي ويحكي اللي في خيالي
حتى لا جلستك بجنبـــــي كل شي فيــــــه باحه
مأمن وملـــجأ مــــــــلاذ وبيــــت و أوطـــــان ومأألي
يعني بأبسط لفظ ممكن صـرت أعرف شلون راحه
و خذت عهد إني ما أبيــــــعك لو أبيع ألفين غالي
ما يهم إن قالـــــوا إنـــــــك أسره إطلق سراحـــــه
جيتني في وقت غـــــيرك يحـــــلم بلحظة وصالي
حطني غــــــايه بقلبـــــه بس ما اجـــدى كفاحه
قــــــدر إني صرت أعدك نفسي بقدري و جــلالي
و لو خسرت الحب هذا فاشــــــــــل و ياللفـــداحه
و إكتشفت إنــــك بلحـظه مـــــــمكن تدور بــدالي
و إن اسلوبك بحبـــــــــي جــــو لو تهدى ريـاحه
و إني أبني في غلاتك فـوق فـوق وفـوق عالـــــي
صرح خسرني حيــــــــاتي و أي شي يجيه طاحه
و إني أزرع بأرض غيري و أترك القيــــــض بحلالي
كني أطرد في سرابك ظنتــــــــي للـــماي واحه
بس أنا أحبك و أحبك و أشــــتريك براس مالــــي
و إن رضو ولا تراضــــو ياكلون مــــــن الــــــــــبراحه
جيت هالمره بكيفي خـــــــــــاطري يظهر هبالي
عقلي اللي مل منـــــــــــي يالله الخالق صلاحه
ما طلبت إنسان حاجه غــير يتـــــــركني بحالي
صدقوني ما جذبنـــــي في حــــــلا ذاك الملاحه
الولايــــــــــه الولايـــــــه دام هـــــو بالقلب والي
و النبي وصى على فضــــــل الولايه في صحاحه
كـــــــــــــــــان دمرني فأنا حللت له قلبي و بالي
و إن كسر خلي جناحي ما كــــــــسر إلا جناحه
لأن أنا ويـــــاه واحــــــد ما أتحــــــمل لا شكالي
غزة الشوكه وهي شوكه مبي تدمي جــــراحه
وأنا ما كذبت حبـــــه يــــــــــــوم سلمته حبالي
بس أنا مابي يصــــــــدق من يزايـــــد بإمتداحه
هو مرده يعـــــــــرف إنه كل شي لـــــــي بقالي
و إني في ليلة مساه وفي ضيا فجره صــــباحه
طفل(ن) أرقدني بجنه و أيقض ضلوعي بصالي
جاني بغفـــــــــــله و أعلن للملا حرب إجتياحه
حلمه يغامر ويتعـــــــب عقبــــــــــها ببدا قتالي
وصـــح أنا أكبر منه سنا بس ما أجيد السباحه
ولو يروح لبحر إيجه أو الى لنـــــــدن و مالـــــي
مسكنه قلبي و روحي و إن بغى كل المساحه
يعني لو جيت أحسبها بالمـــــتر يمكن حوالي
لو جمـــــــع ستين أو ألفين أو مليـــــــون باحه
ويــــوم جيت أعدل غلاه بجرحه اللي هد بالي
قلت ما يســــــوى علينا نفترق عيب بصراحه
ويش أقول لخلق ربي لا سألو عن راس مالي
وين أودي وجهي من حب إنحسدنا في نجاحه

أختكم : الفرنسيه

ما شاء الله اشعارك مره حلوه ونستنى الجديد منك

مشكووووووووووره

صح الله لسانك
تقبلي مروري

آلله آلله والله شعر ما في احسن منه الشعر فضه والي كاتبه ذهب
تسلم ادياك اختي الفرنسيه
ننتظر جديد الرائع

يعطيك اخوي العافيه على مرورك الحلو